អបអរសាទ កីឡាការិនីកម្ពុជា ឈ្នះមេដាយមាសទី១ នៅ Asian Games ២០១៨ ក្នុងព្រឹត្តិការណ៍កីឡា Asian Games នៅប្រទេសឥណ្ឌូណេស៊ី
កីឡាការិនីកម្ពុជារូបនេះឈ្មោះ ខាន់ ចេសា "Jessa Khan "បានដណ្តើមមេដាយមាសទី១ ក្នុងព្រឹត្តិការណ៍កីឡា Asian Games ២០១៨ នៅប្រទេសឥណ្ឌូណេស៊ី ដោយប្រកួតឈ្នះកីឡាការិនីអារ៉ាប់រួម Mahra Alhinaai នៅវគ្គផ្តាច់ព្រ័ត្រ ក្នុងប្រភេទកីឡាជូជិតស៊ូ "Ju-Jitsu" វិញ្ញាសាវាយទោលនារី ទម្ងន់ក្រោម ៤៩គីឡូក្រាម ក្នុងលទ្ធផល ១០០-០។
មុនឈានដល់វគ្គផ្តាច់ព្រ័ត្រនេះ កីឡាការិនីកូនកាត់កម្ពុជា-អាមេរិក វ័យ ១៦ឆ្នាំរូបនេះ បានឆ្លងកាត់កីឡាការិនីជាច្រើនប្រទេស ពោលគឺឈ្នះកីឡាការិនីថៃ ១០០-០ នៅវគ្គ ៣២នាក់ ឈ្នះកីឡាការិនីចិនដោយស្វ័យប្រវត្តិ " ចិនអវត្តមាន " នៅវគ្គ ១៦នាក់ ឈ្នះកីឡាការិនីអ៊ីរ៉ង់ ដោយប្រើក្បាច់កាច់ក្លេ នៅវគ្គ ៨នាក់ និងឈ្នះកីឡាការិនីហ្វីលីពីន ១០០-០ នៅវគ្គ៤នាក់ចុងក្រោយ៕
0 comments:
Post a Comment